“Уҡыусыларыбыҙҙың яртыһы “өйөбөҙҙә” ҡала”

Башҡортостан Башлығы Хакимиәте етәксеһе  Максим Забелин социаль селтәрҙә мәктәптәрҙә белем алыуҙы үҫтереү мәсьәләһенә иғтибарҙы йүнәлткән.

“Бөгөн, Бөтә донъя балалар уйлап табыуҙары көнөндә, республика мәктәптәре директорҙары һәм университеттар ректорҙары менән Евразия фәнни-мәғариф үҙәгенең ике проекты үтәлеше йомғаҡтарын ҡараныҡ. Беҙ мәктәп белемен үҫтереүгә йүнәлтелгән биш предуниверсарий булдырҙыҡ һәм 60 мәктәп тәҡдимен хупланыҡ.

Ыңғай үҙгәрештәр ҙә бар – әгәр бер нисә йыл элек мәктәпте тамамлаусыларҙың 40 проценты ғына республика вуздарын һайлаһа, хәҙер 50 проценты “өйҙә” ҡала. Һәм был эште көсәйтергә кәрәк.

Башланғыс бар – республиканың 60 мәктәбендә яңы фәнни-белем биреү һәм ял итеү киңлектәре булдырылды.  Улар балаларыбыҙҙың таланттарын асырға, профессиональ эште әүҙемләштерергә ярҙам итәсәк. Һөҙөмтәлә Өфө университеты, Башҡорт дәүләт медицина университеты һәм Өфө нефть техник университеты базаһында Өфөлә, Нефтекамала, Күмертауҙа, Белорет һәм Учалы райондарында предуниверсарийҙар барлыҡҡа килде. Хәҙер профилле кластарҙа уҡыған өс меңдән ашыу балаға заманса белем биреү процесы яңы сифатлы кимәлгә сығырға ярҙам итәсәк. Бөтә проекттар ҙа Башҡортостан ярҙамына таяна, төбәк уларҙы 2024 йыл аҙағына тиклем тормошҡа ашырасаҡ”.

Фото:Newsbash. ru