Был фотоһүрәттәрҙә ҡарҙан һынландырылған әкиәт геройҙары күҙҙең яуын алырлыҡ. “Асҡарҙың "Ҡайынҡай" балалар баҡсаһы биләмәһендә тәрбиәләнеүселәрҙең, ата-әсәләрҙең тырышлығы менән ҡарҙан бына ниндәй әкиәти һындар барлыҡҡа килгән!” - тип хәбәр итте социаль селтәрҙәге сәхифәһендә коллегаларыбыҙ – “Осҡон” гәзите хеҙмәткәрҙәре.
Әбйәлил районы үҙәге Асҡар ауылындағы “Ҡайынҡай” балалар баҡсаһы ихатаһындағы был ҡар һындарына ҡарап хатта ололар ҙа бала сағына әйләнеп ҡайтҡандай була. Ә бәләкәстәр иһә ҡыуанып бөтә алмайҙыр, моғайын. Ошо матурлыҡты барлыҡҡа килтергән оҫта тәрбиәселәргә һәм ата-әсәләргә “Афарин!” тип әйтергә генә ҡала.
Күрәһегеҙме, унда – крокодил Гена, эргәһендә Чебурашка... Тағы ниндәй әкиәт геройҙарын таныйһығыҙ, ҡәҙерле дуҫтар?
Фотолар: “Осҡон” гәзите.