Кампус проекты үҫеш ала

Башҡортостан Хөкүмәте Премьер-министры Андрей Назаров социаль селтәрҙәге сәхифәһендә студенттар кампусы төҙөү буйынса пландары менән уртаҡлашты:

- Вуз-ара студенттар кампусын булдырыу  проекты әүҙем фазаға инде. Тәүге сиратты 2023 йылдың декабрендә, ә 2025 йылдың ошо уҡ айында кампусты тулыһынса тапшырырға тейешбеҙ. Хаталанырға һәм уларҙы төҙәтеүгә ваҡыт бөтөнләй юҡ.

Беҙҙең тәүге бурыс – республика вуздары тарафынан технологик һорау менән файҙаланылған кампус өсөн  техник заданиены формалаштырыу.  Иң ҡиммәтле мәғлүмәттәрҙең береһе – алданыраҡ старт алған хеҙмәттәштәрҙең тәжрибәһен ҡулланыу. Тап ошо маҡсатта беҙ Бауман исемендәге Мәскәү дәүләт техник университетына килдек.

Бауманканың  тәжрибәһе уникаль. Бында донъя кимәлендәге кампус булдырыу буйынса эш  федераль программа эшләгәнсегә тиклем башлана. Һәм МДТУ проекты  күп яҡлап уның өсөн моделле була. Хәҙер ул  әҙерлек һәм йыһазландырыу темпы буйынса төҙөлөп ятҡан кампустар араһында лидер.

Төҙөлөш ҡыҫынҡы майҙансыҡта, Мәскәүҙең тарихи үҙәгенең йөрәгендә бара. Был проект беҙгә бигерәк тә яҡын, сөнки беҙҙең майҙансыҡ та  ҡатмарлығы буйынса бынан кәм түгел.  

Кампус проектының төҙөлөш- технология өлөшө менән танышыуҙан тыш, беҙгә файҙаланыусылар менән кире бәйләнеш булдырыу мөһим ине. Нимә килеп сыҡты, әгәр тағы ла старт алһаҡ, нимәне ҡабаттан эшләр инек?  Бауманка ректоры Михаил Гординға һәм уның командаһына ҙур рәхмәт, улар уңыштары тураһында ғына һөйләп ҡалманы, проекттың төрлө этаптарында осраған ҡатмарлыҡтары хаҡында ла әйтте. Мәскәү дәүләт техник университеты тәжрибәһе ҙур, сөнки вуз Калуга ҡалаһында ла  кампус төҙөү эшен алып бара.

Әлбиттә, һәр федераль кампус архитектура, идеология, маҡсаты менән дә уникаль. Финанс яҡтан беҙҙең бурыс ҡатмарлыраҡ. Өфөлә вуз-ара студент кампусы проекты дәүләт-шәхси партнерлыҡ схемаһы буйына тормошҡа ашырыла. Шуға ла донъя кимәлендәге заманса университет киңлеген булдырыу ғына мөһим түгел, концессия буйынса беҙҙең партнер өсөн проект килемлеген тәьмин итеү ҙә кәрәк.  

Фото: Андрей Назаровтың сәхифәһенән.