Колледждың бинаһы яңырҙы

Башҡортостан Хөкүмәте хәбәр итеүенсә, Өфө ҡалаһының Дим районында капиталь ремонттан һуң Өфө радиоэлектроника, телекоммуникациялар һәм хәүефһеҙлек колледжының уҡыу корпусы асылды. Белем биреү корпусына капиталь ремонт 2022-2026 йылдарға Башҡортостан Республикаһында Урта профессиональ белем биреүҙе үҫтереү стратегияһында ҡаралған колледждарҙың матди-техник базаһын яңыртыу эштәренә ярашлы уҙғарылды. 

- Өфө радиоэлектроника, телекоммуникациялар һәм хәүефһеҙлек колледжында ҙур ихтыяжлы һәм перспективалы һөнәрҙәргә уҡыталар. Генерал Горбатов урамында урынлашҡан беренсе уҡыу корпусындағы заманса матди-техник база Башҡортостан Республикаһы Башлығы, Башҡортостан Республикаһы Хөкүмәте ярҙамында федераль проекттарҙа ҡатнашыуға ярашлы булдырылды, - тип һөйләне Башҡортостан Республикаһының мәғариф һәм фән министры Айбулат Хажин. - Был корпустағы капиталь ремонт «Янғын хәүефһеҙлеге» һәм «Ҡотҡарыу эштәре» специальностары буйынса яңы заманса оҫтаханалар йыһазландырырға мөмкинлек бирәсәк. Колледждың эш биреүселәр менән үҙ-ара һөҙөмтәле хеҙмәттәшлеген айырыуса билдәләп үтке килә, был конкуренцияға һәләтле квалификациялы кадрҙар әҙерләргә мөмкинлек бирә, - тип өҫтәне ведомство етәксеһе.

Уҡыу йорттарына һәм колледж ятаҡтарына капиталь ремонт үткәреү маҡсатында 2022 йылда 11 дәүләт колледжына Башҡортостан Республикаһы бюджетынан 463,1 миллион һум күләмендә аҡса бүленде. Шулай уҡ медицина колледждары филиалдарын асыуға республика бюджетынан 57 миллион һум аҡса йүнәлтелгән.

Бөгөн Өфө радиоэлектроника, телекоммуникациялар һәм хәүефһеҙлек колледжының яңы асылған уҡыу корпусында өс белгеслек һәм һигеҙ һөнәр буйынса 830 студент уҡый. Бында янғын һүндереүселәр һәм ҡотҡарыусылар әҙерләү төбәк үҙәген асыу планлаштырыла, унда халыҡтың төрлө категориялары: мәктәп уҡыусылары, студенттар, төрлө йәштәге граждандар белем аласаҡ.

Фото: pravitelstvorb.ru