“Класс журналы” уҡытыусылар тураһында һөйләй

Кисә “Башҡортостан 24” телеканалында “Класс журналы” программаһының яңы серияһының премьераһы булды. Был проект Рәсәйҙә иғлан ителгән Уҡытыусы һәм остаз йылына арнала. Программа уҡытыусыларға, тәрбиәселәргә, юғары һәм урта махсус уҡыу йорттары педагогтарына, шулай уҡ төбәгебеҙҙәге уҡытыусылар династияларына арнала.

Һәр тапшырыу айырым һөнәр вәкиле менән таныштырасаҡ. “Башҡортостан 24” телеканалы журналистары уҡытыусыларҙы төрлө яҡлап асыуҙы маҡсат итеп ҡуя, шулай уҡ уларҙың  хыялдарын тормошҡа ашыра, һөнәри оҫталыҡ серҙәрен аса.

Проект быйылғы йыл дауамында тормошҡа ашырыласаҡ. Барыһы 48 тапшырыу эшләү планға алынған. Тапшырыуҙарҙы һәр кесаҙнала 19.30 сәғәттә һәм йома көнө 12.25 сәғәттә “Башҡортостан 24” телеканалында ҡарағыҙ.

Видео: “Башҡортостан 24” телеканалы.

Фото: видеонан скриншот.