Туған тел уҡытыусыларын ҡотлайыҡ!

Халыҡ-ара туған тел көнөнә, шулай уҡ Уҡытыусы һәм остаз йылына арнап, Бөтә Рәсәй “Минең туған тел уҡытыусым” акцияһы иғлан ителде. Унда теләге булған һәр кем – уҡыусылар, студенттар, ата-әсәләр ҡатнаша ала.

Сара барышында:

- туған тел уҡытыусыһына шиғри ҡотлау;

- видеояҙма рәүешендә открытка;

- фотоһүрәт менән ҡотлау әҙерләргә мөмкин.

Ҡотлауҙарҙы “Бәйләнештә” социаль селтәрендә үҙегеҙҙең шәхси сәхифәгеҙҙә, мәктәп, колледж, вуздың төркөмөндә урынлаштырырға мөмкин. Төп талап: #МойУчительРодногоЯзыка2023 хештэгын ҡуйыу.

Акцияға йомғаҡ 21 февралдә – Халыҡ-ара туған тел көнөндә яһала.

Акцияла ҡатнашыусылар ҡотлауҙарын Федераль туған телдәр институтының “Бәйләнештә” төркөмөнә лә ебәрә ала (Федеральный институт родных языков │ ФИРЯ в социальной сети “ВКонтакте”).

Әйҙәгеҙ, әсә теленә һөйөү тәрбиәләгән уҡытыусыларығыҙ тураһында матур ҡотлауҙар әҙерләп, Рәсәй күләмендә үткәрелгән акцияға әүҙем ҡушылайыҡ, туған башҡорт телебеҙгә һөйөү тәрбиәләгән уҡытыусылар тураһында бөтә илгә һөйләйек!