"Башҡорт телен өйрәнәм" дәфтәре донъя күрҙе

Февралдә «Башҡорт телен өйрәнәм» дәфтәре донъя күрҙе. Уның авторы - Рәсәй авторҙар йәмғиәте ағзаһы, Башҡортостан һәм Рәсәй Журналистар союздары ағзаһы, автор-башҡарыусы Гөлфиә Шәүәлиева.

Авторлыҡ «nRIS»та раҫланған. Баҫма туған телде башлап һәм тәрәнәйтеп баҫылған балалар һәм өлкәндәр өсөн тәғәйенләнгән. Дәфтәр шулай итеп төҙөлгән: ул ике бүлектән тора һәм теләк буйынса көнөнә өс башҡорт һүҙе русса тәржемәһе менән һәм иҫтә ҡалдырыла.

Бында темалар, күнекмәләр һәм ҡағиҙәләр юҡ, ә туған телдә иркен һөйләшеү теләге генә. Был дәфтәр - авторҙың йыллыҡ эш һөҙөмтәһе. Ул балалар менән ошондай дәфтәр алып барҙы. Һөҙөмтәлә бөгөн улар иркен һөйләшә, диалог ҡора, һорауҙарға яуап бирә, башҡорт телендә шиғырҙар һәм хикәйәләр уҡый. 

Башҡорт телен белгән кешеләр һаны йылдан-йыл кәмей бара. Автор фекеренсә, был дәфтәр өс-дүрт ай дауамында туған телде өйрәнеүҙә иҫ киткес һөҙөмтәләр бирәсәк. Был баҫма менән телде тәрәнәйтеп өйрәнергә теләгән урта йәштәгеләр ҙә, уҡытыусылар ҙа, тәрбиәселәр ҙә, ата-әсәләр ҙә ҡыҙыҡһына.

Дәфтәрҙе "Планета" китап магазины селтәрендә һатып алырға йәки авторға мөрәжәғәт итергә мөмкин. Башҡорт телен өйрәнеүселәр араһында 15 мең һум күләмендә приз да булдырылған. Дәфтәрҙе тултырыу һөҙөмтәләре буйынса ҙур булмаған инша яҙырға һәм дәфтәрҙә күрһәтелгән адрес буйынса ебәрергә кәрәк. Телде белеү буйынса конкурста ҡатнашырға теләүселәр өсөн онлайн имтихан ҡаралған.

Афтор фотоһы.