Республика Башлығы йәштәр алдына телмәр тотто

Бөгөн Мәскәүҙә Башҡортостан Башлығы Радий Хәбиров Рәсәй Сит ил эштәре министрлығының Мәскәү дәүләт халыҡ-ара мөнәсәбәттәр институты студенттарына лекция уҡыны. Уның темаһы – Башҡортостан Республикаһы миҫалында Рәсәй Федерацияһы төбәктәренең тышҡы иҡтисади эшмәкәрлек өлкәһендәге компетенциялары.

Сығышында Радий Хәбиров төбәктең социаль-иҡтисади үҫешендәге төп күрһәткестәр менән таныштырҙы, республикала иҡтисадтың һөҙөмтәле эшләүен билдәләне. Ул фәнде һәм технологияларҙы үҫтереүҙә Башҡортостандың тотҡан урынын юғары баһаланы. Ғилми-технологик үҫештең милли рейтингында төбәк 2021 йыл йомғаҡтары буйынса Мәскәү, Санкт-Петербург һәм Томск өлкәһенән ҡала дүртенсе урынды яуланы. Башҡортостанда донъя кимәлендәге Евразия ғилми-белем биреү үҙәген ойоштороу республикалағы идара итеү командаһы эшенең төп йүнәлештәренең береһен тәшкил итте.

Әйткәндәй, йәштәр алдында сығыш яһауы тураһында республика Башлығы социаль селтәрҙәге сәхифәһендә лә яҙып сыҡты.

Фото: glavarb.ru

Сығанаҡ: glavarb.ru