Класс етәкселәре, һеҙҙе форумға саҡыралар!

3-7 октябрҙә Мәскәүҙә өсөнсө тапҡыр Класс етәкселәре һәм остаздар форумы үтәсәк. Был юлы унда бөтә илдән 3000 самаһы класс етәксеһе һәм урта һөнәри белем биреү учреждениеларының кураторҙары ҡатнашасаҡ. Ғаризалар 20 мартта ҡабул ителә башланы, ул 20 апрелгә тиклем дауам итәсәк. Класс етәкселәре һәм төркөм кураторҙары заявканы Класс етәкселәре форумының (ФКР) “Бәйләнештә”ге мини-ҡушымтаһы аша ебәрә ала.

III Класс етәкселәре һәм остаздар форумына һайлап алыу “Бәйләнештә”ге онлайн майҙансыҡта уҙғарыла һәм бер нисә этаптан тора: анкета тултырыу, педагогика нигеҙҙәре буйынса тест үтеү, дәрестән тыш «Иң мөһим нәмәләр тураһында һөйләшеү» темаһына тест үткәреү, класс етәксеһе тренажеры һәм “Минең тәрбиә башланғысым” темаһы буйынса видеовизитка эшләү. Бының өсөн Класс етәкселәре форумын ойоштороусылар “Бәйләнештә” сайты менән берлектә мини-ҡушымталар әҙерләгән.

Ҡатнашырға теләге булғандар түбәндәге һылтанма аша үтеп, анкета тултыра ала: https://vk.com/app51552964. Ҡатнашыусыларға һәр һайлап алыу этабының башланыуы тураһында хәбәр ебәреләсәк. Шулай уҡ яңылыҡтар менән Класс етәкселәре форумының “Бәйләнештә”ге берләшмәһендә лә танышып барырға мөмкин (vk.com/vfkr_ru).

- Бөтә Рәсәй класс етәкселәре һәм остаздары форумын уҙғарыу Мәскәүҙә 2023 йылдың октябренә билдәләнгән. Быйыл форум ике сменала ойошторола:

- 3-5 октябрҙә – башланғыс класс, коррекция мәктәптәренең класс етәкселәре һәм урта һөнәри белем биреү учреждениеһы кураторҙары;

- 5-7 октябрҙә – өлкән һәм урта кластарҙың класс етәкселәре.

- 5 октябрҙә форумда ҡатнашыусыларҙың барыһы ла Дәүләт Кремль һарайына Уҡытыусылар көнөнә арналған концертҡа саҡырыла.

Форумды үткәреү маҡсаты – илдең класс етәкселәренең үҫеп килгән быуынды традицион ҡиммәттәрҙә тәрбиәләүгә йүнәлтелгән һөнәри берләшмәһен үҫтереү.

Сарала ҡатнашыусыларҙы бай эстәлекле белем биреү, дискуссия һәм мәҙәни программалар көтә. Сараның спикерҙары һәм эксперттары булып төрлө өлкәләрҙә танылған белгестәр сығыш яһаясаҡ, улар үҙҙәренең һөнәри тәжрибәһе менән уртаҡлашасаҡ.

Форумды Рәсәй Федерацияһы Президенты Владимир Путиндың башланғысы буйынса Рәсәй Мәғариф министрлығы уҙғара. «РФ Мәғариф министрлығының Мәғрифәти башланғыстар үҙәге» федераль дәүләт автономиялы учреждениеһы ойоштороу ярҙамын күрһәтә.

Фотолар: “Класс етәкселәре һәм остаздар форумы” берләшмәһе.