Һөнәрле булам тиһәң...

“Аңлатабыҙ Башҡортостан” ресурсы социаль селтәрҙәге төркөмөндә яңы яҙма менән уртаҡлашты.

 2023 йылдың башынан Башҡортостанда йәшәүселәр «Демография» милли проекты буйынса бушлай уҡыуға 3,2 мең килешеү төҙөгән.

Республикала йәшәүселәр өсөн ҡайтанан уҡытыу буйынса 129 программа ҡаралған. Улар ярҙамында һөнәри белем алырға йәки үҙ һөнәрең буйынса квалификацияңды күтәрергә мөмкин. Программалар хеҙмәт баҙары талаптарын иҫәпкә алып төҙөлгән. Милли проект сиктәрендә 1,5 мең кеше яңы һөнәр үҙләштергән.

Иң талап ителгән һөнәр эйәләре - психолог-консультант, маркетплейс менән эшләү буйынса менеджер, график дизайнер, программа тәьминәтен һынаусы, бухгалтер, мәғлүмәттәр аналитигы, smm-белгес. Был - эш эҙләп, өҙлөкһөҙ тест үтеп арығандар өсөн уңай мөмкинлек.

Маҡсатҡа өлгәшеү өсөн түбәндәгеләрҙе генә үтәргә кәрәк: «Рәсәйҙә эш» сайтына инеп, «Белем биреү программалары исемлеге» бүлеген һайлағыҙ, үҙегеҙҙе ҡыҙыҡһындырған программаға заявка бирегеҙ, мәшғүллек үҙәгендә һөнәри йүнәлеш алығыҙ һәм кәрәкле документтарығыҙҙы тапшырығыҙ,  ҡарар ҡабул иткәнде көтөгөҙ, уны ете эш көнө дауамында ҡабул итәсәктәр. Ғаризаның статусын «Мин белем алам» бүлегендәге шәхси кабинетта күҙәтеп барырға мөмкин. Уҡыу формаһы - көндөҙгө йәки дистанцион. Уҡыу оҙайлығы - өс аҙнанан өс айға тиклем.

Фото: “Аңлатабыҙ Башҡортосан” социаль төркөмөнән.