Евразия ғилми-белем биреү үҙәгенең буласаҡ вуз-ара кампусы менән танышабыҙ

Медицина йүнәлешендә уңышлы уҡытыу өсөн Евразия ғилми-белем биреү үҙәгенең төҙөлөп ятҡан вуз-ара кампусында, аныҡлабыраҡ әйткәндә, IQ паркта Башҡортостан Республикаһының муниципаль райондары һәм ҡала округтары мәктәптәре менән төп эш алып барыласаҡ.

2023 йылда донъя кимәлендәге Евразия ғилми-белем биреү үҙәген булдырыу тураһында килешеүгә ҡул ҡуйылды һәм Стәрлетамаҡ ҡалаһының 1-се урта дөйөм белем биреү мәктәбе нигеҙендә предуниверсарий булдырыу тураһында юл картаһы раҫланды.

Шулай уҡ Салауат ҡалаһының 8-се урта дөйөм белем биреү мәктәбе, 1-се урта дөйөм белем биреү мәктәбе базаһында предуниверсарий булдырыу буйынса килешеүгә ҡул ҡуйылды, юл картаһы раҫланды. Химия, биология, физика, генетика, тәүге медицина ярҙамы дисциплиналары буйынса шәхси эш программаһы әҙерләнгән, был предметтарҙы Башҡорт дәүләт медицина университетына уҡырға инергә әҙерләнгән уҡыусылар һайлай.

10-11-се класс уҡыусылары өсөн өҫтәмә медицина белеме алыу сиктәрендә «Өфө мәктәбендә медицина класы» проекты ла әүҙем үҫешә.

10-сы һәм 11-се медицина кластары, Башҡорт дәүләт медицина университеты предуниверсарийҙары уҡыусылары урта дөйөм белем биреү программалары менән бер рәттән университеттың профилле предметтар буйынса дәрестәр системаһы буйынса уҡыу мөмкинлегенә эйә. Белем биреү бөгөн «мәктәп - университет» системаһы буйынса алып барыла.

ВУЗ кураторлығында «Павловка (бәләкәй медицина) кластары» ла уңышлы эшләй.

Буласаҡ кампустың һәм предуниверсарийҙарҙың үҙ-ара эш итеүе уҡыусыларға һәм студенттарға һөнәрҙе иртә һайларға һәм тыуған төбәктә - Башҡортостан Республикаһында эшләү, үҫешеү перспективаларын күрергә мөмкинлек бирәсәк.

Фото һәм сығанаҡ: pravitelstvorb.ru