Уҡытыусыға һәйкәл астылар

Үрге Йәркәйҙең Дан монументы алдындағы майҙанда Уҡытыусыға һәйкәл асылды. Йәмғиәтебеҙҙә остаздарыбыҙҙың, белем үрҙәренә етәкләп алып менеүсе уҡытыусыларыбыҙҙың хөрмәтенә һәйкәл асылыуы оло әһәмиәтле ваҡиға.

Район мәҙәниәт һарайында байрам хөрмәтенә үткәрелгән тантаналы сарала педагогтарҙы ҡотлап, иң йылы теләктәрҙе еткерҙеләр, иҫтәлекле бүләктәр тапшырҙылар. Матур сарала Илеш районы хакимиәте башлығы Илдар Мостафин, “Башҡортостан уҡытыусыһы” журналы мөхәррире  Салауат Кәримов, “Кызыл таң” гәзитенең баш мөхәррире Фаил Фәтхетдинов һәм район мағариф идаралығы етәксеһе Гөлнара Кашапова ҡатнашты, тип хәбәр итә “Маяҡ” гәзите.

Рәфилә Хәбирова фотолары.