Тиҙҙән “Һуңғы ҡыңғырау” сыңлаясаҡ

Быйыл мәктәптәрҙә "Һуңғы ҡыңғырау" тантанаһы 24 майҙа (йомала) үтә. 9-сы класты тамамлаусыларҙың сығарылыш кисәһе 28 июнгә (йома) билдәләнгән. 11-се кластар өсөн был тантана 29 июндә (шәмбе) уҙа.

Киләһе аҙнала 9-сы һәм 11-се класс уҡыусыларының дәүләт имтихандары башлана. Туғыҙынсылар 22 майҙа сит телдәрҙән ТДИ тапшырыасаҡ, ә ун беренселәр 23 майҙа – география, әҙәбиәт һәм химиянан. Имтихандар июнь уртаһына тиклем дауам итә.

Быйылғы йылдың Берҙәм дәүләт имтихандарындағы төп яңылыҡтарҙың береһе – математиканан һынауҙы тапшыра алмаған уҡыусылар уны кире тапшырғанда кимәлде үҙгәртә ала. Мәҫәлән, профилле математикана БДИ-ны тапшыра алмаған йәш кеше яңынан һынау тотҡанда база кимәлен һайлау мөмкинлегенә эйә. Төп дәүләт имтиханын тапшыра алмаған 9-сы класс уҡыусылары быға тиклем уны сентябрҙә тапшырып ҡарай ала ине. Хәҙер уларға бындай мөмкинлек менән ҡулланып ҡарау ике тапҡыр биреләсәк. 

Айрат Нурмөхәмәтов фотоһы.