Вуз-ара кампус резиденты яңы препарат эшләй

Башҡорт дәүләт медицина университеты, вуз-ара студенттар кампусы резиденты, мейелә ҡан әйләнеше боҙолоу эҙемтәләрен дауалау өсөн препараттар әҙерләй.

Башҡортостан Хөкүмәтенән хәбәр итеүҙәренсә, баш мейеһе ҡан әйләнешенең киҫкен боҙолоуы йәмғиәткә ғәйәт ҙур иҡтисади зыян килтергән социаль әһәмиәтле ауырыуҙар төркөмөнә инә. Бындай боҙоуҙарҙың ныҡ артыуына бәйле Башҡорт дәүләт медицина университетында Рәсәйҙең «Мейелә ҡан әйләнеше боҙолғанда депрессияны төҙәтеү өсөн саралар булдырыу» ғилми фонды гранты ярҙамында антидепрессант һәм антиагрегат үҙенсәлектәрен берләштергән яңы молекула әҙерләнә.

Проектты фармакология кафедраһы, фармацевтика химияһы кафедраһы, бәләкәй таргет молекулалары лабораторияһы һәм морфология лабораторияһы ҡатнашлығында БДМУ-ның дисциплина-ара командаһы тормошҡа ашыра.

Башҡорт медицина университеты ғалимдарының тикшеренеүҙәре мультимодаль тәьҫир иҫәбенә Дөйөм Рәсәй медицина ойошмаһынан пациенттарҙы дауалау һөҙөмтәлелеген сифатлы арттырырға мөмкинлек бирәсәк. Тикшеренеүселәр төркөмө депрессияға һәм агрегатҡа ҡаршы үҙенсәлектәр күрһәткән берләшмәләр тапҡан инде. Унан да бигерәк, ғалимдар уйлап табыуҙарға бер нисә патент алған. Тикшеренеүҙәрҙә БДМУ ғалимдары молекуляр докинг, органик синтез, молекуляр биология, иммуногистохимия һәм фармакология ысулдарын ҡуллана.

Фото: Башҡортостан Хөкүмәте сайтынан