Балаларҙың туҡланыу сифаты контролдә буласаҡ

Хөкүмәт Премьер-министры вазифаһын башҡарыусы Андрей Назаров рәйеслегендә муниципаль район һәм ҡала округтары башлыҡтары ҡатнашлығында кәңәшмәлә белем биреү учреждениеларында туҡланыуҙы ойоштороу һәм сифат  мәсьәләләре тикшерелде.

– Быйыл ғинуар айынан авгусҡа тиклем Социаль туҡланыу идаралығы  урындарға 356 тапҡыр сыҡты. Позитив хәл күҙәтелә, тәртип боҙоуҙар кәмей, – тип белдерҙе етәксе һәм был мәсьәләнең айырым контролдә тороуын һыҙыҡ өҫтөнә алды.

 Сауҙа һәм хеҙмәттәр министры Алексей Гусев мәктәптәге туҡланыу сифаты һәм ойоштороу мәсьәләләре тураһында һөйләне.

– Мониторинг һөҙөмтәләре буйынса 12 муниципаль берәмеккә туҡланыуҙы ойоштороу буйынса юғары, 45-енә уртаса кимәл ҡуйылды. Былтырғы осор менән сағыштырғанда юғары ойоштороу кимәле  ҡуйылған учреждениелар һаны артты, – тине Алексей Гусев.

Республикала вариатив меню билдәләнгән мәктәптәр һайлап алынған. Меню  Башҡортостан буйынса “Роспотребнадзор” идаралығы тарафынан эшләнгән һәм килешелгән. Хәҙер был проект республиканың 16 районында тормошҡа ашырыла. Ата-әсәләр менән килешкәндән һуң ул 42 муниципаль районда һәм ҡала округтарында  эшләй башлаясаҡ.

Фото: https://pravitelstvorb.ru/news/24966/