Генетика, Довлатов һәм аллергиянан ыҙалаусылар өсөн ризыҡтар...

4 ноябрҙә 18.00 сәғәттә Өфөләге “Тинькофф Холл” күңел асыу комплексының «Матбуғат йорто» клубында (Октябрҙең 50 йыллығы урамы, 19) сағыу фәнни-популяр ваҡиға - Фәнни алыштар университет лигаһының төбәк этабы ойошторола. Рәсәйҙең төрлө ҡалаларынан алты талантлы ғалим үҙ тикшеренеүҙәрен тәҡдим итә һәм «Сириус»та үтәсәк Бөтә Рәсәй финалында үҙ төбәген күрһәтеү хоҡуғы өсөн көрәшә.

10 минутлыҡ сығыштар сиктәрендә тикшеренеүселәр ҡатмарлы темаларҙы киң аудитория өсөн аңлайышлы һәм мауыҡтырғыс хикәйәләргә әйләндереп, үҙҙәренең фәнни эштәре менән таныштырасаҡ. Еңеүсе тамашасыларҙың алҡыштарына ҡарап билдәләнәсәк, уны тауыш үлсәү ҡорамалы ярҙамында асыҡлаясаҡтар.   

Сарала ҡатнашыусылар: Даниил Задорожный - «Сириус» университеты аспиранты һәм кесе ғилми хеҙмәткәре, Игорь Савельзон - филология фәндәре кандидаты, Ырымбур дәүләт педагогия университеты доценты, Анастасия Кочина - Калининград дәүләт техник университеты аспиранты. Евгений Шкляр - Санкт-Петербургтың «ЛЭТИ» дәүләт электротехник университетының өлкән уҡытыусыһы, Дана Ермакова - П.Г. Демидов исемендәге Ярославль дәүләт университеты студенты, Дмитрий Лыхин - Мәскәүҙең «СТАНКИН» дәүләт техник университеты студенты.

Сарала ҡатнашыу бушлай, әммә алдан сайтта теркәлергә кәрәк. Урындар һаны сикле. Йәш сикләүе 18+.

Сараны VK Видео-ла тура бәйләнештә ҡарап була.