Иң яҡшы профессорҙы бүләкләнеләр

2021 йылдың 19 ноябренән, Рәсәй фәненә нигеҙ һалыусы мәшһүр ғалим М.В. Ломоносовтың тыуған көнөндә, Юғары мәктәп уҡытыусылары көнө билдәләнә. Тап ошо көндә М. Аҡмулла исемендәге Башҡорт дәүләт педагогия университетында юғары уҡыу йортоноң иң алдынғы уҡытыусыларына, ағымдағы йылда ҙур уңыштар ҡаҙанған ғалимдарға, доценттарға, профессорҙарға “Аҡмулла университетының йыл уҡытыусыһы – 2024”  дипломы тапшырылды.

Филология фәндәре докторы, профессор, М. М. Аҡмулла исемендәге Башҡорт дәүләт педагогия университетының башҡорт филологияһы факультеты деканы Хөсәйенова Ләйлә Миҙхәтовна “Аҡмулла университетының иң яҡшы профессоры – 2024” дипломына лайыҡ булды. Респбуликала һәм Рәсәйҙең милли төбәктәрендә, шулай уҡ  сит илдәрҙә киң билдәле ғалимә Ләйлә Миҙхәтовна – 500-ҙән артыҡ ғилми хеҙмәт, шул иҫәптән, монографиялар, уҡыу ҡулланмалары, һүҙлектәр авторы, үҙенең коллективы менән әҙерләгән алты проектты Рәсәй интеллектуаль базаһында теркәп, танытма алған, төрлө кимәлдәге гранттарҙы тормошҡа ашырған, республика һәм юғары уҡыу йорто кимәлендәге күп сараларҙы ойошторусы булараҡ беҙгә яҡшы таныш.

Ул етәкләгән факультет студенттары ла һәр яҡлап айырылып тора һәм уларҙың иң-иңдәре йыл һайын юғары стипендиялар алыуға өлгәшә. Бөгөнгө байрам сараһында факультеттың алты студентына исемле стипендия тапшырылыуы менән дә ҡотланылар. Бына улар: Башҡортостан Башлығы стипендиаттары Динара Юлдашева, Лилиә Дүсмәтова, Айгүзәл Яубаҫарова, Аҡмулла стипендияһы лауреаттары Эльмира Мөхәмәтдинова, Светлана Килмөхәмәтова, Рауил Бикбаев исемендәге стипендия лауреаты Гөлназ Хужабиргәнова.

Ихлас күңелдән оло еңеүҙәре менән ҡотлайбыҙ һәм артабан уңыштар теләйбеҙ!

Фото: Ләлә Хөсәйеова