Рада уҡырға ла, эшләргә өлгөрә

Рада Артур ҡыҙы Ниғмәтуллина Белорет районының Сосновка ауылында тыуып үҫкән. Белорет педагогия колледжының VI курс студенты – ”Башланғыс кластарҙа уҡытыу” һөнәре буйынса уҡый.

Колледжда уҡыған ваҡытта Рада үҙен бик тырыш, һәләтле студент итеп күрһәтә. Балалар музыка мәктәбен яҡшы билдәләргә тамамлай, матур йырлай, фортепианола оҫта уйнай. Ҡала, район, шулай уҡ республиканың төрлө музыкаль конкурстарында әүҙем ҡатнаша.

Рада “Эврика” Рәсәй студенттар отрядтары ағзаһы булып тора, ул “Йәшел Башҡортостан”, “Ҡар десанты”, “Һабын бумы” һәм башҡа акцияларҙа әүҙем ҡатнаша. Даими рәүештә хәрби-диспетчерлыҡ ойошмаһында ҡатнашыусылар өсөн гуманитар ярҙам йыйыуҙа ла өлөшөн индерә, шулай уҡ окоп шәмдәре эшләй.

Студент бейеү менән әүҙем шөғөлләнә, студенттарҙың “Х-моушн” бейеү коллективы ағзаһы булып тора.

Әлеге ваҡытта Рада Белорет ҡалаһының 8-се урта дөйөм белем биреү мәктәбендә башланғыс кластар уҡытыусыһы булып эшләй һәм иңенә алған бөтә бурыстарын уңышлы үтәй. Шулай итеп ул үҙен балаларҙың мәнфәғәттәрен яҡлаусы һиҙгер һәм хәстәрлекле уҡытыусы итеп күрһәтергә лә өлгөрҙө.

Рада Ниғмәтуллина – Белорет педагогия колледжының ғорурлығы, өлгөр студент Белорет ҡалаһы хакимиәте башлығы стипендияһына лайыҡ булған. Ул һайлаған һөнәре менән ныҡ ҡыҙыҡһына һәм даими рәүештә үҙ-үҙен камиллаштырырға ынтыла.

Әйткәндәй, Рада Ниғмәтуллина “Башҡортостан” гәзитенең 25 ғинуар – Рәсәй студенттары көнө уңайынан “Бәйләнештә” төркөмөндә иғлан иткән конкурсында “ИҢ ЯҠШЫ СТУДЕНТ” исеме өсөн көрәшә. Һәләтле, уңған студентҡа уңыштар теләйбеҙ!

Фото: Рада Ниғмәтуллинаның ғаилә архивынан.