15 миллион һум бүленгән

Өфө дәүләт нефть техник университетының 12 кафедраһы һәм ғилми мәктәбе юғары уҡыу йорттары араһындағы конкурста, фәнни-тикшеренеү лабораторияларын төҙөүгә һәм аспиранттарҙың ғилми-квалификация эштәренә әҙерлектең өҫтөнлөклө йүнәлештәре буйынса уҡыуҙа еңеү яулаған.

Улар лабораторияларҙы йыһазландырыуға ҡоролмалар һәм башҡа кәрәк-яраҡ өсөн аҡса аласаҡ. Был маҡсатҡа юғары уҡыу йорто 15 миллион һум тирәһе аҡса бүлгән. Конкурс "Йәштәр һәм балалар" милли проектының "Өҫтөнлөк 2030" программаһын үҫтереүгә ярашлы ойошторолған.

– Төбәктә фәнде үҫтереү һәм ғалимдарҙың абруйын арттырыу йәһәтенән төп шарт – йәш тикшеренеүселәрҙең хеҙмәте өсөн заманса уңайлылыҡ булдырыу, – тип һөйләй Башҡортостандың фән һәм юғары белем буйынса дәүләт комитеты рәйесе Светлана Мостафина. – Яңы лабораториялар асыу, булған майҙансыҡтарға ремонт үткәреү – фәнни тикшеренеүҙәрҙе комплекслы үҫтереүгә ҡоролған. Грант алыусылар киләсәктә үҙҙәрен тағы ла тик ыңғай яҡтан күрһәтеренә ышаныс ҙур.

Фото: Башҡортостан Хөкүмәте.