Вуз-ара кампуста нефть һәм газ скважиналарын үҙләштереү мәсьәләләре ҡаралды

Вуз-ара кампуста нефть һәм газ скважиналарын үҙләштереү мәсьәләләре ҡаралды

Профессор Л.А. Алексеев исемендәге халыҡ-ара тармаҡ фәнни конференцияһы 28 ноябрҙә Өфөнөң Вуз-ара кампусында үтте. Уның маҡсаты - нефть һәм газ тармағын етештереү объекттарында уңышлы һәм оптималь индереү өсөн производство мәсьәләләрен хәл итеү, осрашыуҙа ҡатнашыусы компаниялар араһында хеҙмәттәшлек һәм тәжрибә уртаҡлашыу.

 - Бөгөнгө тема – “Нефть һәм газ скважиналарын быраулау Һәм үҙләштереү проблемалары” нефть һәм газ химияһы һәм интеллектуаль машиналар эшләү менән бер рәттән ӨДНТУ-ның өс өҫтөнлөклө йүнәлешенә инә. Конференция һөҙөмтәләренең логик маҡсатҡа –хеҙмәттәшлек итеүгә, килешеүҙәр төҙөүгә һәм уларҙы тормошҡа ашырыуға өлгәшеүен теләр инем, - тине сараны асыу тантанаһында Өфө дәүләт нефть техник университеты ректоры Олег Баулин.

Конференцияла нефть вузының партнер-компаниялары, ғилми берләшмә вәкилдәре, профилле кафедра мөдирҙәре, Өфө дәүләт нефть техник университеты студенттары һәм аспиранттары ҡатнашты. "Инновациялар һәм быраулау ваҡытында тотороҡло үҫеш" пленар ултырышында һәм артабанғы “Нефть һәм газ скважиналарын быраулау технологияһы” секция эшендә улар берлектәге ҡарарҙар эҙләү һәм перспективалы ғилми-тикшеренеү, проект һәм конструкторлыҡ эшләнмәләрен тикшереү менән шөғөлләнде.  

Нефть һәм газ скважиналарын быраулау һәм үҙләштереү проблемаларына арналған конференция Өфө дәүләт нефть техник университеты профессоры, Тау инженеры, БР-ҙың атҡаҙанған фән эшмәкәре, СССР-ҙың почетлы нефтсеһе, РФ Хөкүмәте премияһы лауреаты Алексеев Леонид Александрович исеменә арналған. Өфө нефть институтын тамамлағас, ул бөтә ғүмерен туған юғары уҡыу йортона һәм тау-нефть факультетына бағышлай. Леонид Алексеевичтың ғилми эшмәкәрлеге скважиналар быраулау технологияһы, тау тоҡомдарының тарҡалыу процестарын тикшереү менән бәйле була.

Конференцияны ойоштороусылар -  ООО НПП «Буринтех» компанияһы менән берлектә Өфө дәүләт нефть техник университеты, ООО «Интеллектуальные системы», ПАО «ЛУКОЙЛ».

БЕЛЕШМӘ:

Евразия Фәнни-белем биреү үҙәгенең юғары уҡыу йорттары араһындағы студенттар кампусы Рәсәй Президенты ҡушыуы буйынса һәм Рәсәй Мәғариф һәм фән министрлығының «Фән һәм университеттар» милли проектын тормошҡа ашырыу сиктәрендә төҙөлә. Өфө кампусы проекты - 4,3 мең кешегә иҫәпләнгән торлаҡ биналары, уҡыу-ғилми комплексы, лабораториялары, эшлекле зоналары, магазиндары, уңайлы скверҙары һәм башҡа уңайлы ҡала мөхите объекттары булған студенттар өсөн урын.   2030 йылға илдә 25 кампустан торған селтәр барлыҡҡа килергә тейеш. Был йүнәлеш буйынса эште Рәсәй Хөкүмәте һәм Рәсәй Мәғариф һәм фән министрлығы алып бара. Әлеге ваҡытта “Йәштәр һәм балалар” милли проекты ярҙамында 24 ошондай студент ҡаласығы проектлана һәм төҙөлә. 2036 йылға кампустар һаны 40-ҡа тиклем артасаҡ.

Беҙҙең МАХ каналына https://max.ru/gazetabashkortostan ҡушылығыҙ!

Мәғлүмәт: https://campusufa.ru/news/1605