Был сара мөһим ваҡиғаға әүерелде

Евразия ғилми-белем биреү үҙәгендә студенттар, аспиранттар, фән эшмәкәрҙәре һәм уҡытыусылар өсөн фәнни-популяр лекция булды. Доклад менән физик органик химия һәм гомоген металл комплексы катализы, Рәсәй Фәндәр академияһы академигы һәм Башҡортостан Фәндәр академияһының почетлы академигы Валентин Анаников сығыш яһаны. Уның сығышы “Химияла яһалма интеллект: эксперименттарҙан фән интуицияһын һанлаштырыу” темаһына арналды. Сара Рәсәй Президенты тарафынан иғлан ителгән Фән һәм технологиялар ун йыллығына ярашлы үткәрелде.

- Ошондай осрашыуҙарҙы ойоштороу фәнни һәм мәғариф йәмәғәтселеген алдынғы трендтар менән таныштырып ҡына ҡалмай, интеллектуаль мөхитте лә булдыра. Был Фән һәм технологиялар ун йыллығының стратегик мәсьәләләрен тормошҡа ашырыуға тос өлөш ул, - тип белдерҙе Башҡортостандың “Башҡортостан Республикаһы фәнни-белем биреү үҙәгенә идара итеү компанияһы” йәмғиәте директоры Наталия Латыпова.

Башҡортостан Фәндәр академияһы президенты Камил Рамазанов академик Ананиковтың Өфөгә килеүен фәнни алмаштырыу сиктренән сыҡҡан ваҡиға тип билдәләне.

Сығанаҡ: https://nocrb.ru/tpost/88yg9e3f01-v-ufe-obsudili-vnedrenie-iskusstvennogo