-7 °С
Ҡар
Бөтә яңылыҡтар
БР норматив-хоҡуҡи акттары
12 Апрель 2019, 11:37
Хоҡуҡтарҙы белеү зарур
Ошо көндәрҙә төбәгебеҙҙең ижтимағи-сәйәси тормошонда тағы бер әһәмиәтле ваҡиға булды: автономия ойошторолоуға – 100, Башҡортостан Конституцияһына 25 йыл тулыу айҡанлы, республиканың Конституция Суды тарафынан Башҡортостандың конституцион-хоҡуҡи акттар йыйынтығы, Конституцияға тарихи-хоҡуҡи комментарийҙар әҙерләп баҫтырылды һәм уларҙың исем туйы ойошторолдо.
Ошо көндәрҙә төбәгебеҙҙең ижтимағи-сәйәси тормошонда тағы бер әһәмиәтле ваҡиға булды: автономия ойошторолоуға – 100, Башҡортостан Конституцияһына 25 йыл тулыу айҡанлы, республиканың Конституция Суды тарафынан Башҡортостандың конституцион-хоҡуҡи акттар йыйынтығы, Конституцияға тарихи-хоҡуҡи комментарийҙар әҙерләп баҫтырылды һәм уларҙың исем туйы ойошторолдо.
Тантананы асып, республикабыҙҙың Конституция Суды Рәйесе, республика Фәндәр академияһының ағза-корреспонденты, Башҡортостандың атҡаҙанған юрисы, юридик фәндәр докторы, профессор Зөфәр Йәнекәев китапты әҙерләүселәргә, мәҡәлә авторҙарына рәхмәт һүҙҙәрен еткерҙе.
– Конституция – һәр дәүләттең Төп законы. Илдең ҡануниәте ошо Төп документтан тайпылмаҫҡа тейеш. Башҡортостан Конституцияһы былтыр декабрҙә 25 йыллығын билдәләне. Уны ҡабул иткән осорҙо яҡшы хәтерләйем. Республика тормошондағы тарихи мәл ул, – тине.
Башҡортостандың Конституция Суды сағыштырмаса күптән түгел — бынан 22 йыл элек барлыҡҡа килгән. Ул республиканың абруйлы дәүләт власы органдарының береһе булараҡ танылып өлгөрҙө, эшмәкәрлеге граждандарҙың конституцион, сәйәси, социаль-иҡтисади хоҡуҡтарын яҡлауға йүнәлтелгән.
Баҫманы әҙерләп баҫтырыуҙа Конституция Суды судьялары, Суд Секретариаты, Башҡортостан Фәндәр академияһы хеҙмәткәрҙәре, ғалимдар, дәүләт власы органдары вәкилдәре ҡатнашҡан. 40 кешелек авторҙар коллективының 12-һе – фән докторы, 22-һе – фән кандидаты.
Баҫмала, республика Конституцияһының нормаларына төплө аңлатма бирелеүҙән тыш, Башҡортостанда конституцион-хоҡуҡи фекерҙең үҫеш юлы, төрлө тарихи этаптарҙа хоҡуҡи нормаларҙың үҙгәреш процесы күрһәтелгән, аныҡ тарихи дәлилдәр килтерелгән. Авторҙар китап халыҡтың хоҡуҡи кимәлен күтәрергә, Башҡортостан Конституцияһын төплөрәк аңларға ярҙам итәсәк тип белдерә.
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43