-4 °С
Болотло
Бөтә яңылыҡтар
БР норматив-хоҡуҡи акттары
18 Ноябрь 2020, 22:00
Башҡортостан Конституцияһына үҙгәрештәр индерелә
Был йәһәттән тәҡдимдәр әҙерләү буйынса комиссия булдырылды. Уға Дәүләт Йыйылышы – Ҡоролтай рәйесе Константин Толкачев етәкселек итә.
Рәсәй Федерацияһы Конституцияһына төҙәтмәләр ҡабул итеүгә бәйле, Башҡортостан Республикаһы Конституцияһына үҙгәрештәр индереү тураһында тәҡдимдәр әҙерләү буйынса комиссия булдырылды. Республика Башлығы ошо хаҡтағы указға ҡул ҡуйҙы. Комиссияға Дәүләт Йыйылышы – Ҡоролтай рәйесе Константин Толкачев етәкселек итә.
"Хәҙер, Рәсәй Конституцияһының яңы редакцияһына ярашлы, бөтөн федераль ҡануниәт ҡалыпҡа һалына. Төбәктәр үҙҙәренең норматив базаһын уға ярашлы көйләй", – тине Константин Толкачев.
Парламент спикеры билдәләүенсә, Конституцияны үҙгәртеүҙән тыш, комиссияға республика ҡануниәтен үҙгәртеү буйынса тәҡдимдәрҙе әҙерләү буйынса ла эшләргә тура киләсәк.
"Был бурысҡа күптән тотонғайныҡ. Әммә Рәсәй Конституцияһының үҙгәреүенә бәйле республика закондарына индереләсәк төҙәтмәләр ҡатламы бик киң. Ҡайһы берҙәре буйынса тейешле федераль закондың ғәмәлгә ингәнен көтөргә кәрәк. Ғөмүмән, был эш айҙар, бәлки, йылдар буйы дауам итер", – тине Константин Толкачев.
Комиссия составына шулай уҡ Башҡортостан Республикаһы Конституция суды рәйесе Зөфәр Йәнекәев, республика Башлығы Хакимиәте етәксеһе Александр Сидякин, республика прокуроры Владимир Ведерников, башҡа профилле ведомстволар вәкилдәре инде.
Фото: rb7.ru
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43