Бөгөн – Башҡортостан Конституцияһы көнө

Бөгөн Башҡортостан Республикаһы Конституцияһы көнөн билдәләйбеҙ. Ошо айҡанлы Дәүләт Йыйылышы – Ҡоролтай Рәйесе Константин Толкачев республика халҡын ҡотланы.

– Конституция республикабыҙҙың иң мөһим документы, барлыҡ ҡануниәттең нигеҙе булып тора. Ул демократик хоҡуҡи дәүләт төҙөүҙең төп принциптарын нығытты, социаль-иҡтисади үҫештең өҫтөнлөктәрен формалаштырҙы.

Конституция – закондар сығарыу, башҡарма, суд власы һәм урындағы үҙидара органдары өсөн ҡарарҙар ҡабул иткәндә йүнәлеш биреүсе документ. Төп закон кеше хоҡуҡтарын һәм иректәрен иң юғары ҡиммәт тип, ә уларҙы үтәү һәм яҡлау – дәүләттең бурысы тип иғлан итә.

Республика халҡына Конституцияла нығытылған хоҡуҡтарҙың һәм иректәрҙең ғәмәлгә ашырылыуын, киләсәккә ышаныс, лайыҡлы тормош һәм ғаилә именлеге теләйем! – тиелә ҡотлауҙа.

Башҡортостандың төп Законы 1993 йылда ҡабул ителә. Ул республиканың үҙендә әҙерләнеүе менән дә үҙенсәлекле.

Фото: Башинформ

ДУҪТАР! Һеҙҙең был яңылыҡҡа бәйле фекерегеҙҙе беҙҙең социаль селтәрҙәрҙәге төркөмдәребеҙҙә белдерергә саҡырабыҙ:
https://vk.com/gazetabashkortostan
https://facebook.com/gazeta.bashkortostan