Бөтә яңылыҡтар

Хөкүмәттә насар ҡарар ҡабул ителмәй

“Ниндәй ҙә булһа Хөкүмәт документын раҫлар алдынан кабинет уны ҡабул итеү ниндәй эҙемтәләргә килтерәсәген анализлай”, – тип яҙҙы бөгөн Башҡортостан Хөкүмәте Премьер-министры Андрей Назаров “Фейсбук”тағы сәхифәһендә.

Хөкүмәттә насар ҡарар ҡабул ителмәй

“Ниндәй ҙә булһа Хөкүмәт документын раҫлар алдынан кабинет уны ҡабул итеү ниндәй эҙемтәләргә килтерәсәген анализлай”, – тип яҙҙы бөгөн Башҡортостан Хөкүмәте Премьер-министры Андрей Назаров “Фейсбук”тағы сәхифәһендә. Бөтә дәүләт норматив актары ла ошондай процедура үтә. “Беҙ документтың бюджетта, кешеләрҙең тормош кимәлендә нисек сағылыш табырын күҙаллайбыҙ”, – ти Андрей Назаров.

Баһаның төп йүнәлештәренең береһе – эшҡыуарҙарҙың мәнфәғәттәре. Артыҡ тыйыу, бизнесҡа баҫым яһау ихтималлығы булған документтар ҡабат эшләнергә оҙатыла.

Премьер-министр был йәһәттән ҡайһы бер миҫалдар ҙа килтерә.  Яңы ғына Хөкүмәт ҡарауына индерелгән ҡарар проекты эшҡыуарҙарҙың бер дәүләт структураһына ҡатынының ата-әсәһенең паспорттарын күрһәтеү бурысын ҡуйған. “Һеҙ быға нисек ҡарайһығыҙ?” – тип ғәжәпләнә Андрей Назаров. Йәки ведомстволар төрлө белешмәләрҙе бер-береһенә тапшырмай, ә эшҡыуар үҙе уларҙы тотоп йүгергеләргә  тейешлеген күҙ алдында тотҡан проекттар ҙа осрай. Башҡарыусылар хеҙмәтләнлереү ваҡытын артыҡ оҙаҡҡа һуҙған осраҡтар ҙа етерлек. Йәнәһе, беҙ эшләйбеҙ, ә һеҙ көтөп кенә ултыраһығыҙ.

“Идара итеү йоғонтоло булырға һәм ауырлыҡ тыуҙырмаҫҡа тейеш. Шуға күрә көйләүсе тәьҫир баһаһы тигән төшөнсәне хәҙер муниципаль кимәлдә лә индерәбеҙ”, – тип яҙа республика Хөкүмәте Премьер-министры.

Фото: pravitelstvorb.ru.

Автор:Рәшит Кәлимуллин