Туғандары яуҙа йөрөгән ауылдаштар яугир менән осрашты

Башҡортостанда Махсус хәрби операцияла ҡатнашыусыларға һәм уларҙың ғаилә ағзаларына ярҙам йылы сиктәрендә Хәйбулла районының Яңы Ергән ауылы мәҙәниәт йортонда махсус хәрби операцияла ҡатнашҡан яугир һәм әлеге ваҡытта алғы һыҙыҡта Тыуған ил һағында торған хәрбиҙәрҙең туғандары менән тулҡынландырғыс осрашыу үткән.

"Сара ысын мәғәнәһендә үҙенсәлекле булды: яугирҙәрҙең туғандары үҙ хистәре, кисерештәре уртаҡлашып, рухи яҡтан бер-береһен ҡеүәтләп һәм хәрбиҙәргә хеҙмәте өсөн рәхмәт белдерә алды. Был осрашыу яҡындарыбыҙға ярҙам итеүҙең мөһимлеген, шулай уҡ илебеҙ һаҡсыларына рәхмәтле булырға тейешлегебеҙҙе тағы бер тапҡыр иҫкә төшөрҙө", - тип хәбәр итәләр Яңы Ергән мәҙәниәт йортонан.  

Сығанаҡ: "Хәйбулла хәбәрҙәре"