Мәсетлеләр иң кәрәкле әйберҙәрҙе йыйҙы

Мәсетлеләр иң кәрәкле әйберҙәрҙе йыйҙы

Мәсетле районы хакимиәте башлығы Әнәс Әсәҙуллин, уның урынбаҫары Азамат Ғәлимов, водитель Шамил Яҡупов Башҡортостан Республикаһынан 151-се гуманитар конвойҙы килтереүҙә ҡатнаштылар.

– Яугирҙәргә райондан гуманитар ярҙам тапшырҙыҡ. Мәсетлеләр иң кәрәкле әйберҙәрҙе йыйҙы: рабица селтәре, ағас материалдары, дрон детекторы, бензобысҡылар, запас частар, аҙыҡ-түлек, төҙөлөш материалдары, маскировка селтәрҙәре һәм башҡалар. Шулай уҡ дүрт автомобиль һәм мунса өсөн бура алып барҙыҡ.

Вайымһыҙ булмаған граждандарға, ойошма коллективтарына, балаларға, эшҡыуарҙарға, “Ышаныслы тыл” ирекмәндәр штабына һәм гуманитар ярҙам йыйыуҙа ҡатнашҡандарға ҙур рәхмәт.

Шунда уҡ, гуманитар йөкте бушатыу урынында, яугирҙәр менән көнүҙәк мәсьәләләрҙе тикшерҙек: киләһе тапҡыр нимә килтерергә, өйҙә ниндәй проблемалар бар һ.б.. Хәрбиҙәр беҙҙең ярҙамды тоя. Илдең бөтә халҡы берләшә һәм армияға хәрби бурыстарҙы үтәүҙә рухи яҡтан ярҙам итә, яугирҙәрҙең ғаиләләренә ярҙам итә. Алдағы һыҙыҡта егеттәрҙең кәйефе хәрби һәм тәүәккәл. Барыһы ла беҙҙең эштең хаҡ булыуына ныҡлы ышана, – тип һөйләне Әнис Әсәҙуллин.

Фото: Әнис Әсәҙуллиндың социаль селтәрҙәге сәхифәһенән.