Ярҙам киләсәктә лә дауам итәсәк

Берҙәмлек тантана иткәндә генә Еңеү беҙҙең яҡта буласаҡ. Бөгөн ошо һүҙҙәр барыбыҙға ла ҡағыла.

Әйткәндәй, Ейәнсура районы хакимиәте башлығы Дәмин Юланов махсус хәрби операция биләмәһенә гуманитар йөк алып барып ҡайтты.

– Еңеү тап ошонан башлана ла инде – кешеләрҙең ҡулынан, йөрәктәренең йылыһынан, ғөмүмән, өҙлөкһөҙ ярҙамдан, ил һаҡсылары өсөн сираттағы гуманитар ярҙамға барыһы ла тос өлөш индерҙе, рәхмәт уларға, – тип һөйләй Дәмин Марат улы.

Хакимиәт башлығының һүҙҙәренә ҡарағанда, һалдаттарға ярҙам махсус хәрби операция тамамланғансы дауам итәсәк.

– Махсус хәрби операцияла яҡташ һалдаттарыбыҙға кәрәк-яраҡты алып барып тапшырҙыҡ, шатлыҡтары сикһеҙ, иң мөһиме, барыһының да кәйефе күтәренке, дәрттәре ташып тора, – тине Дәмин Юланов.

Фото: Йәдкәр Ханнанов.