Бөтәһенең дә ауыҙында беҙҙең республика ине!

Белорет районы махсус хәрби операцияла хеҙмәт иткән яҡташтарыбыҙ өсөн гуманитар ылау алып барҙы.

Йөктө оҙатып барған егеттәр махсус хәрби операцияла хеҙмәт иткән хеҙмәттәше – район хакимиәте хеҙмәткәре Рөстәм Бакиров менән осрашҡан. Быйыл йәй ул үҙ теләге менән махсус хәрби операция биләмәһенә юллана. Рөстәм Нәзип улы Белорет районы халҡына ярҙамдары өсөн ҙур рәхмәт белдергән.

Шулай уҡ частарҙың береһендә тағы ла бер яҡташыбыҙ – Илдар Хәмитовты осратҡандар. Ошо осрашыуҙан һуң яугир-табип бик матур һүҙҙәрен әйтте.

“Рәсәй! Ҡеүәтле! Ҙур! Әлбиттә, бик татыу Илебеҙ! Бәхеткә күрә, төрлө урындарҙа күптән көтөлгән осрашыуҙар була... Бөгөн яҡташтарыбыҙҙың Башҡортостандан алыҫта ошондай осрашыуы булды. Ике мең километрҙан ашыу юл үтеп, ҡыйыу, көслө, юлдарҙан ҡурҡмаған һәм изге миссияларҙың береһен алып барған егеттәр яугирҙәргә, ир-егеттәргә, геройҙарға - өй йыл йылыһын алып килә... Тыуған төбәктәрҙән йылы, сәләм, мөхәббәт һәм шатлыҡ! Бөгөн беренсе ҡышҡы көн, ул ысынлап та бөгөн беренсе тапҡыр һауа температураһы һалҡын, әммә күңел өсөн күптән көтөлгән йылы көн кеүек. Беҙгә эш өсөн кәрәкле бөтә нәмәне, дарыуҙарҙы һәм ҡулланыу материалдарын килтерҙеләр (беҙ уларҙы шулай тип атайбыҙ, сөнки улар йыш ҡына үҙгәрә, бер тапҡыр ҡулланыла торған йәки ҡорамалдар өсөн төрлө комплектлаусы материалдар булыуы мөмкин). Һәм, әлбиттә, был - Тыуған Башҡортостандың төрлө тәм-томдары!

Беҙҙең коллективтан, бигерәк тә тыл буйынса урынбаҫарҙан - ҙур рәхмәт! Ул кискә тиклем бөтә ҡумталарҙы һүтеп алған... Барыһын да кәштәләргә һалып, һәр ҡумтаны уҡып, ул хәҙер һәр мәктәптең һәм балалар баҡсаһының карта буйынса ҡайҙалығын белә. Кис ул барыһын да һөйләй, шатлығынан илай. Беҙ тәмле төшкө һәм киске аш ашаныҡ. Ир-егеттәр минән башҡорт йырҙарын ҡуйыуымды һораны. Беҙ, яҡташтар, төбәгебеҙ тураһында һөйләнек – беҙҙең тыуған яғыбыҙ менән таныш булмағандар: “Күпте белдек”, – тине. Ә инде белгәндәр үҙ тәьҫораттары менән уртаҡлашты. Бөтәһенең дә ауыҙында беҙҙең республика ине! Беҙҙең Башҡортостан! Бик ҡыуаныслы, фронтҡа ярҙам итеүҙе дауам итергә кәрәк!

Бөтә ойоштороусыларға, район башлығы Азат Салауат улына ҙур рәхмәт, ярҙамды тоябыҙ. Ойошмаларҙың, мәктәптәрҙең, балалар баҡсаларының бөтә етәкселәренә, ауыл биләмәләре башлыҡтарына, эшҡыуарҙарға, әүҙем ҡатнашыусыларға. Былар барыһы ла дауалау сифатын да, беҙҙең менән булғандарҙың әхлаҡи рухын да яҡшыртыу өсөн.

Балаларыбыҙға һәм ата-әсәләребеҙгә ҡумталар йыйған өсөн айырым ҙур рәхмәт. Яугирҙәребеҙгә яҙған хаттары өсөн ҙур рәхмәт!

Уҡығандан һуң йылмайыуҙарҙы, яугирҙәребеҙҙең кәйефе күтәрелеүен күрергә кәрәк, бер аҙ күҙ йәштәре лә тама – ир-егеттәрҙеке. Беләһегеҙме, ул хаттарҙы уҡығандан һуң бер секундҡа һине өйгә, йылы усаҡҡа алып ҡайта ала...

Тәмле сәксәк һәм Урал үләндәренән ҡайнатылған сәй менән бергә тамағына йыйылған төйөрҙө йотоу... Оҙаҡҡа онотолорға ярамай! Ҙур рәхмәт һеҙгә! Һеҙҙең алда баш эйәбеҙ, ҡәҙерле яҡташтар!

PS: Белорет үҙәк район клиник дауаханаһына, ҡәҙерле хеҙмәттәштәр, дуҫтар! Әлбиттә, айырым рәхмәт! Барыһы ла теүәл! Иң кәрәкле әйберҙәр!”, – тип иң изге теләктәре менән уртаҡлашты яугир.

Фото: Азат Хәкимовтың сәхифәһенән.

Беҙҙең МАХ каналына https://max.ru/gazetabashkortostan ҡушылығыҙ!