Ике улы ла яуҙа булған әсәгә ярҙам иткәндәр

Әлеге мәлдә Күгәрсен районының батыр егеттәре махсус хәрби операцияла ҡатнаша, илебеҙҙең тыныслығы өсөн көрәшә. Күгәрсен районының Күгәрсен ауылында йәшәгән Гөлнара Рауил ҡыҙы Фазылованың да ике улы - яугир, үҙҙәренең хәрби бурысын оло намыҫ менән үтәй. Ҡыйыу ир-егеттәр үҫтергән әсәнең күңелен йылытыр, борсоу-хәсрәттәрен әҙ генә булһа ла таратыр өсөн Күгәрсен ауылы егеттәре ошо көндәрҙә уға ярҙамға килгән, өйөнә утын ташыған. Район ярҙамы менән яугир әсәһенең йортона пластик тәҙрәләр ҡуйылған.
Ерҙә тыныслыҡ тиҙерәк урынлашһын, улдарыбыҙ имен-һау ҡайтһын!

Сығанаҡ һәм фото: "Мораҙым" гәзите

Беҙҙең МАХ каналына ҡушылығыҙ: https://max.ru/gazetabashkortostan