Беҙҙең операторҙы Рәсәй телеканалы күрһәтте

Дәүләкән егете, “Резо” позывнойлы яугир ни бары дүрт ай ярым элек контракт төҙөгән, ләкин ошо ваҡыт эсендә пилотһыҙ аппараттар менән оҫта идара итергә өйрәнгән, шул уҡ ваҡытта иптәштәрен был заманса техника менән эш итеү нескәлектәренә һәм уны ремонтларға өйрәткән. Яугир үҙе һөйләүенсә, хәрби машина менән эшләүҙә уға электроника өлкәһендәге белеме ярҙам итә, ул уларҙы практик юл менән ала: бала саҡтан төрлө электр приборҙарын йыйырға һәм ремонтларға ярата. Шуға күрә әле лә хәрби техниканы тиҙ үҙләштерә һәм уны сифатлы хеҙмәтләндерергә өйрәнә. Кәрәк булғанда “Резо” ҡуйылған бурыстарҙы үтәй.

Хәҙерге заман пилотһыҙ аппараттарының, күктә һәм ерҙә дошман менән нисек һуғышыуы тураһында “Резо” һәм уның хәрби иптәштәре РФ Оборона министрлығы ҡарамағындағы “Звезда” хәрби-патриотик телеканалы хәбәрсеһенә һөйләгән. Ҡыҙыҡлы сюжет геройҙарына әйләнеп, яугирҙәр бөгөнгө пилотһыҙ аппараттар менән эш итеү ауыр түгеллеген ышаныслы билдәләй. Мәҫәлән, “Резо”, үҙенең “Депеша” ер өҫтө робототехник комплексынан бер километр алыҫлыҡта урынлашып та, уға уңышлы идара итә. Уның хәрби машинаһы тышҡы яҡтан сылбырлы мини-платформаға оҡшаған, бик тиҙ хәрәкәт итә, ҡапыл борола һәм ҡаршылыҡтарҙы еңел генә еңеп сыға. Ул разведка алып бара, үҙенекеләр өсөн маршрут төҙөй, аҙыҡ-түлек, яғыулыҡ, боеприпастар ташый һәм хатта яралыларҙы эвакуациялай. Бындай ҡоролма әллә нисә кеше ғүмерен ҡотҡара. Уны хеҙмәтләндереү ҙә, идара итеү ҙә еңел, тип билдәләй оператор. Пилотһыҙ аппарат транспорт булараҡ ҡына ҡулланылмай, минасы булып эшләй ала һәм шартлатҡыс йөк менән кәрәкле ваҡытта камикадзеға ла әйләнә ала.

Үҙенең тыуған Дәүләкән районының “Асылыкүл” гәзите журналисы менән аралашып “Резо” ғорурлыҡ менән хеҙмәте тураһында һөйләгән.

– Эшем бик оҡшай, барыһы ла һәйбәт килеп сыға: юғары һөҙөмтәләр күрһәтәбеҙ, робот үҙен бик яҡшы күрһәтте, тиҙ, маневрлы, күп функциялы, талапсан түгел, хеҙмәтләндереүҙә аңлайышлы. Әлеге ваҡытта бындай техника дөйөм алғанда һуғыш яландарында өҫтөнлөк итә. Минең хәрби машинам көн һайын ҙур һөҙөмтәләр менән эшләй – контракт төҙөгәндә үҙ алдыма ҡуйған бурыстарҙы үтәйем, – ти ул.

26 йәшендә егет уйланылған ҡарарҙар ҡабул итергә һәм маҡсатына ныҡышмалы барырға өйрәнә. Ул Дәүләкәндә, Бәләбәй механизациялау һәм электрлаштырыу колледжының урындағы филиалында иретеп йәбештереүсе һөнәре ала, Ҡазанда заводта авиация продукцияһы токары булып эшләй. Һәм ҡаланың торлаҡ кварталдарының береһенә пилотһыҙ аппараттың килеп бәрелеүен күреп, эштән китә, өйөнә ҡайтып, контрактҡа ҡул ҡуя һәм үҙ илен һәм халҡын яҡларға китә.

Ата-әсәһе улы менән ғорурлана һәм уның еңеү менән ҡайтыуын көтә.

Хәтерегеҙгә төшөрәбеҙ, Башҡортостанда БПЛА операторҙарын йыйыу дауам итә. Пилотһыҙ системалар ғәскәрҙәренә эләгеү тураһында ентекле мәғлүмәтте:

- башбат. рф сайтында

- ru/vbsbashkor МАХ-та чат-ботта

- 122 номеры буйынса шылтыратып белергә мөмкин.

Был хеҙмәттең өҫтөнлөктәре һәм шарттары

- Юғары хәүефһеҙлек кимәле. Хеҙмәт дистанцияла, алғы һыҙыҡтан алыҫта башҡарыла, был хәрби хеҙмәткәрҙең ғүмере һәм һаулығы өсөн хәүефте күпкә кәметә.

- Хеҙмәт итеү ваҡыты һығылмалы. Тәүге контракт бер йыллыҡ мөҙҙәткә төҙөлә, был хеҙмәт үҙенсәлеген баһаларға мөмкинлек бирә. Контракт ваҡыты тамамланғас, хәрби хеҙмәткәр эштән китергә йәки башҡа шарттарҙа яңы контракт төҙөргә хоҡуҡлы.

- Һөнәрен һаҡлап ҡалыу гарантияһы. Контрактта айырым билдәләнгәнсә, хәрби хеҙмәткәрҙе, уның ирекле ризалығынан тыш, БПЛА-ға идара итеү менән бәйле булмаған икенсе һөнәргә йәки ғәскәрҙәрҙең икенсе төрөнә күсереп булмай.

- Тулы социаль пакет. Контрактсыларға ҡануниәттә ҡаралған бөтә түләүҙәр, льготалар һәм социаль гарантиялар, шул иҫәптән аҡсалата тәьминәт, торлаҡ тәьминәте, медицина хеҙмәтләндереүе һәм хеҙмәт стажы өсөн пенсия ҡаралған.

- Уҡыусылар өсөн махсус шарттар. Юғары уҡыу йорттарында белем алған граждандар, бының өсөн академик отпуск алып, контракт төҙөргә хоҡуҡлы. Бер йыл хеҙмәт иткәндән һуң, улар уҡыу йортонда тергеҙелә ала, шул уҡ ваҡытта бюджет урынына күсеү хоҡуғын ала (әгәр булһа).

- Мотивациялы түләүҙәр системаһы. БПЛА ҡулланыуҙың һөҙөмтәлелеге өсөн өҫтәмә түләүҙәрҙең айырым шкалаһы эшләй (дошмандың маҡсаттарын юҡ итеү). Түләүҙәр күләме 50 000 һумдан 500 000 һумға тиклем.

Сығанаҡ һәм фото: https://asilikul.ru/news/svo/2026-05-05/operatora-bespilotnika-iz-davlekanovo-pokazali-po-rossiyskomu-telekanalu-4675723