Өс еңел автомобиль ебәрҙеләр

Бөрйән районы махсус хәрби операцияла хеҙмәт иткән яҡташтары өсөн сираттағы гуманитар ярҙам ебәрҙе. Был ылауҙы алып барыуға Өфө ҡалаһынан өҫтәмә ҙур йөк машинаһы ла биргәндәр.

– Был юлы егеттәргә өс еңел автомобиль, таҡталар, бензогенератор, бысҡылар, генераторҙар, тәгәрмәстәр, инструменттар, маскировка селтәрҙәре, башҡа кәрәк-яраҡ ебәрелде. Яугирҙәрҙең тыуған яҡҡа имен-һау тиҙерәк әйләнеп ҡайтыуҙарын теләйем. Махсус хәрби операцияла ҡатнашҡан яҡташтарыбыҙға ярҙам йыйыуға үҙ өлөшөн индергән ирекмәндәргә, һәр кемгә оло рәхмәт һүҙҙәрен белдерәм, – тине район хакимиәте башлығы Рәмил Абдуллин.

Фото: Бөрйән районы хакимиәтенән.