+21 °С
Болотло
Общие статьи
28 Декабрь 2020, 06:00
Ҡорамалда алты меңдән ашыу кеше тикшереү үткән
Яңы аппаратта алты меңдән ашыу кеше тикшереү үткән
“Һаулыҡ һаҡлау” милли проектына ярашлы Мәсәғүт дауаханаһына урынлаштырылған “Диаком” диагностика рентген комплексы тулы ҡеүәтенә эшләй. Февраль айында рентген кабинетына ремонт яһалғандан һуң аппарат тәүге пациентты хеҙмәтләндергәйне.
Бөгөн яңы аппаратта 6 746 пациент тикшереү үткән. “Диаком” рентген комплексы күп функциялы. Пациентҡа процедура үткәндән һуң тикшереү һөҙөмтәһен элеккесә оҙаҡ көтөргә тура килмәй, аппарат шунда уҡ рентген һүрәтен бирә. Өҫтәүенә бер нисә төрҙә – ябай ҡағыҙҙа, һанлы пленкала йәки электрон рәүештә.
- Яңы ҡорамалдың өҫтөнлөктәре иҫкеһе менән сағыштырғанда байтаҡҡа күп. Дигностика һүрәттәре аныҡ, сифатлы, тиҙ эшләнә, - ти Дыуан үҙәк район дауаханаһының баш табибы Валерий Трофимов. Комплекс заманса һанлы визуализация системаһы менән тәьмин ителгән. Тикшереү һөҙөмтәһен республика медицина мәғлүмәт-аналитика системаһына тапшырыу мөмкинлеге булыуы уңайлы. Яңы ҡорамал хәүефһеҙ, нурланыш бик түбән.
Фото: Һаулыҡ һаҡлау министрлығы.
