Ҡуйы һөттән бәлеш

Бының өсөн 0.5 банка ҡайнатылған ҡуйы һөт (сгущенка), 200 грамм аҡ май, өс йомортҡа, бер стакан ҡаймаҡ, бер стакан шәкәр, стакан ярым он, ярты сәй ҡалағы сода, аш һеркәһе кәрәк.

Крем өсөн: аҡ майҙы ҡуйы һөт менән туғыйбыҙ.

Әҙерләү:
Тәүҙә йомортҡаны шәкәр менән бутайбыҙ. Шунан ҡаймаҡ, ҡуйы һөт, һүндерелгән сода, он һалып һәйбәтләп туғыйбыҙ. Духовканы 180 градусҡа тиклем йылытып ике корж бешерәбеҙ. Шунан уларҙы крем менән буяп, сәтләүек менән биҙәбеҙ.

Ашығыҙ тәмле булһын!
Фото: postila.ru