Шифалы ямғырҙарын яуҙырһын Хоҙай...

Республикабыҙҙағы ошондай тәбиғәт күренешен, уның эҙемтәләрен видеоға төшөрөп ватсапҡа һалғандар. Әйтеүҙәренсә, унда Бөрйән районындағы хәл сағылдырыла.

Күренеүенсә, ямғыр, ергә һеңә алмайынса, ауыл кешеһенең ихатаһын, баҡсаһын баҫҡан, сәскән орлоҡтарын йыуҙырып ағыҙған - ҡыҫҡаһы, байтаҡ зыян һалған. Ямғырҙың да ваҡытында яуып, ваҡытында туҡтағаны яҡшы ла бит...

Синоптиктар хәбәр итеүенсә, Каспий диңгеҙенән иҫкән көньяҡ ел мул йәшенле ямғырҙар килтерҙе. Бер аҙнала айлыҡ ямғыр яуған. 7-8 июндә ошондай көслө яуым-төшөм ҡайһы бер райондарҙа һаҡланасаҡ әле. 

Ә һеҙҙең яҡтарҙа хәлдәр нисек?..

Фото: news.kmvcity.ru