Өфөлә "Мәхмүтов уҡыуҙары" үтте

Ойоштороусылар: БР Башлығы хакимиәте, Беларусь президенты ҡарамағындағы Идара академияһы, Ҡаҙағстан президенты ҡарамағындағы Дәүләткә идара итеү академияһы, БР Башлығы ҡарамағындағы Башҡортостан дәүләт хеҙмәте һәм идара итеү академияһы (БАГСУ) һәм Плеханов исемендәге Витебск дәүләт университеты.

Конференцияла республикабыҙҙың социаль-иҡтисади үҫеше, дәүләт һәм муниципаль идара итеүҙе камиллаштырыу мәсьәләләре ҡаралды.

– “Мәхмүтов уҡыуҙары” дәүләт власы органдары һәм урындағы үҙидаралыҡ вәкилдәре, ғалим һәм практиктар, дәүләт һәм йәмәғәт эшмәкәрҙәре, бизнес вәкилдәре, шулай уҡ йәш ғалимдарға фекерләшеү өсөн ҙур майҙансыҡҡа әйләнде, – тине БАГСУ ректоры Данияр Абдрахманов.

Конференцияла власть органдары һәм урындағы үҙидаралыҡ вәкилдәре, алдынғы ғалимдар, эксперттар һәм йәмәғәт эшмәкәрҙәре сығыш яһаны.

БР Дәүләт Йыйылышы – Ҡоролтай бинаһының фойеһында Әнәс Мәхмүтовтың фәнни эшмәкәрлегенә арналған китаптар күргәҙмәһе лә эшләне.

Сығанаҡ, фото: resbash.ru/news/obshchestvo/2024-11-20/v-ufe-proshli-mahmutovskie-chteniya-4016663