Ағас ултыртыу айлығы тамамлана

Башҡортостандың Урман хужалығы министрлығы Бөйөк Еңеүҙең 74 йыллығына ҡарата иғлан иткән “Хәтер урманы” республика акцияһына әбйәлилдәр ҙә дәррәү ҡушылды. Әбйәлил урмансылығы хеҙмәткәрҙәре Ярлыҡап ауылы янында Ҡаҙмаш урмансылығына ҡараған ике гектар майҙанда Бөйөк Ватан һуғышында ҡатнашҡан яҡташ яугирҙәр иҫтәлегенә ҡарағай сәсмәлектәре ултыртты.

Башҡортостандың Урман хужалығы министрлығы Бөйөк Еңеүҙең 74 йыллығына ҡарата иғлан иткән “Хәтер урманы” республика акцияһына әбйәлилдәр ҙә дәррәү ҡушылды. Әбйәлил урмансылығы хеҙмәткәрҙәре Ярлыҡап ауылы янында Ҡаҙмаш урмансылығына ҡараған ике гектар майҙанда Бөйөк Ватан һуғышында ҡатнашҡан яҡташ яугирҙәр иҫтәлегенә ҡарағай сәсмәлектәре ултыртты.

– Бөгөн был майҙанда һигеҙ меңдән ашыу ике йәшлек ҡарағай сәсмәлектәрен ултыртыуҙы планлаштырғанбыҙ. Һәм ошо урында яҙғы ағас ултыртыуҙы тамамлайбыҙ. Беҙгә йөкмәтелгән 90 гектарҙа урман тергеҙеү эштәрен башҡарҙыҡ. Бынан тыш “Йәшел Башҡортостан” акцияһы сиктәрендә райондың предприятие һәм ойошма хеҙмәткәрҙәре, йәмәғәт ойошмалары менән берлектә биш гектарҙа 20 мең төп ҡарағай сәсмәлеге, һабантуй майҙанында 1,5 мең төп ҡайын, миләш һәм ҡарағай ағастары ултыртылды, – тине урман хужалығы директоры Зариф Абдуллин.

Урмансыларға ярҙамға Асҡар ауылындағы 1-се урта мәктәптең “Йәшел урман” мәктәп урмансылығы хәрәкәте ағзалары килде. Ойошма етәксеһе Мәүлиҙә Мәхийәнова әйтеүенсә, уҡыусылар быйыл дүртенсе тапҡыр ағас ултыртыуҙа ҡатнаша.

Әбйәлил районы.

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.

Баш мөхәррир

Исхаҡов Вәдүт Ғәйфулла улы

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)272-62-61

Ҡабул итеү бүлмәһе

8(347)272-05-43

Хеҙмәттәшлек

8(347) 273-83-92

Кадрҙар бүлеге

8(347)272-05-43