Урмансыларҙы яңы техника көтә

Башҡортостан Башлығы Радий Хәбиров бөгөнгө оператив кәңәшмәлә киләһе көндәрҙә йылы, ҡоро һауа торошо көтөлөүен, янғындарға әҙер булырға кәрәклекте билдәләне.

Башҡортостанда быйылғы беренсе урман янғыны теркәлде: 1 майҙа Баймаҡ районында 1,5 гектар майҙанды ялмаған утты өс сәғәттә һүндергәндәр. Был хаҡта Башҡортостан Башлығының оператив кәңәшмәһендә республиканың урман хужалығы министры Марат Шәрәфетдинов хәбәр итте.

Республика етәксеһе Радий Хәбиров: “Үҙ-үҙеңде изоляциялау режимы мәлендә урманға сығыу тыйыла. Әммә был яҡын көндәрҙә йылы, ҡоро һауа торошо вәғәҙәләйҙәр, шуға күрә янғындарға әҙер булырға кәрәк”, - тип белдерҙе.

Радий Фәрит улы шулай уҡ “Экология” милли проектына ярашлы урмансыларҙың яңы техника менән тәьмин ителәсәге хаҡында белдерҙе, Урман хужалығы министрлығына Башҡортостандың Транспорт һәм юл хужалығы буйынса дәүләт комитеты менән берлектә юлдарға яҡын булған урмандарҙа тәртип булдырырға ҡушты, был йәһәттән Баймаҡ, Әбйәлил райондарын өлгө булараҡ телгә алды.

Фото: yandex.ru/turbo

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.

Баш мөхәррир

Исхаҡов Вәдүт Ғәйфулла улы

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)272-62-61

Ҡабул итеү бүлмәһе

8(347)272-05-43

Хеҙмәттәшлек

8(347) 273-83-92

Кадрҙар бүлеге

8(347)272-05-43