Октябрь сыуағы ҡасанға тиклем дауам итер?

Быйылғы көҙ алтынға мансылған сентябре, сыуаҡ, йылы октябре менән ҡыуандыра. Башланып торған аҙна ла беҙҙе аяҙ, матур көндәр менән һөйөндөрәсәк, ти синоптиктар.

Аҙна дауамында көндөҙгө һауа температураһы +14...+17 градус тәшкил итәсәк, төндә, әлбиттә, һыуыта, көҙ көҙлөгөн итә: -1...+2 градус.

Һауа торошо аҙна аҙағында үҙгәрә башлаясаҡ. Шәмбе-йәкшәмбелә көндөҙ +10...+12 градус тәшкил итеп, болотло көндәре, ҡыҫҡа ваҡытлы ямғырҙары менән көҙ үҙ хакимлығын яулай барасаҡ. Йылы көньяҡ еле һалҡынса көнбайыш еленә алмашынасаҡ.

Фото: zen.yandex.ru