Түләү уңайлы булһын өсөн

Бөтә ҡушымталарҙы ла телефонға бушлай күсереп алыу мөмкин: Android телефондары өсөн - Play Маркет һәм Apple өсөн App Store системаларында.

Бынан тыш, “Ҡаты коммуналь ҡалдыҡтар менән эш итеү” коммуналь хеҙмәте өсөн квитанцияны төбәк операторҙарының рәсми сайттарындағы шәхси кабинетта түләргә була. Бының өсөн түбәндәге һылтанмалар буйынса үтергә кәрәк: https://dmsrb.ru; https://roecocity.ru; https://eko-tko.ru. Шәхси кабинетҡа инеү өсөн квитанцияла күрһәтелгән шәхси иҫәпте һәм милексе фамилияһын индереү етә.

“Ҡаланы йыйыштырыу буйынса махсус автохужалыҡ” предприятиеһы эшмәкәрлеге зонаһында түләүҙәрҙе иҫәпләү һәм билдәләү маҡсатында Берҙәм иҫәп-касса үҙәге муниципаль унитар предприятиеһы клиент сервисы Өфө һәм Берҙәм мәғлүмәт зонаһына ингән муниципаль райондар өсөн ҡушымталар эшләгән.

Был “ЕИРЦ. Республика Башҡортостан” мобиль онлайн сервисын бушлай Play Маркет системаһынан күсереп алырға була. Шулай уҡ торлаҡ-коммуналь хеҙмәттәр https://lk.eirc-rb.ru сайтындағы шәхси кабинет аша түләргә мөмкин.

Өфө ҡулланыусыларын хеҙмәтләндереү өсөн “Инари ЖК mobil” ҡушымтаһы эшләнгән, уны бушлай шулай уҡ Play Маркеттан алырға мөмкин. Программаны үҙегеҙҙең смартфонға күсергәс, уны тоҡандырырға һәм исемлектән “Өфө ҡалаһының Берҙәм иҫәп-касса үҙәге муниципаль унитар предприятиеһы”н һайларға кәрәк. Аҙаҡ баш ҡаланың Берҙәм иҫәп-касса үҙәгендә алып булған логин менән паролде индерәһегеҙ. Уларҙы үҙаллы erkcufa.ru. сайтында теркәлеп тә алырға була.

“Ҡаланы йыйыштырыу буйынса махсус автохужалыҡ” предприятиеһы үҙ мобиль ҡушымтаһын эшләй башлаған.

“Экология Т” төбәк операторының матбуғат секретары Олеся Белоусова белдереүенсә, ҡушымта хеҙмәттәр өсөн түләүҙе тиҙерәк индереү мөмкинлеге бирә. Шулай уҡ ошоға бәйле башҡа мәғлүмәтте тикшереп барыу өсөн уңайлы.

Фото: asilikyl.rbsmi.ru