Белгестәр фаразлауынса, ул етем ҡалған һәм, бер килке урманда үҙенә аҙыҡ эҙләп йөрөгәндән һуң, кешеләргә сығырға булған. Уны Ҡатау-Иванов районы халҡы табып ала һәм шундай уҡ экологтарға хәбәр итә.
«Зыяраткүл» милли паркы хеҙмәткәре Силәбе өлкәһе Экология министрлығының Һунарсылыҡ буйынса федераль күҙәтеүе хеҙмәткәрҙәре менән бергә айыуҙы ҡотҡара һәм «Махсус һаҡланған тәбиғәт биләмәләре» хеҙмәткәрҙәренә тапшыра. Улар айыу балаһын Карен Даллакян клиникаһына илтә, ветеринарҙар уға тиҙ арала ярҙам күрһәтә, операция үткәрә.
Табылған айыу балаһына бер генә йәш, әле хәлһеҙ, уға оҙаҡ ҡына дауаланырға тура киләсәк. Алған яраларына ҡарағанда, йыртҡыстар һөжүменә дусар булған. Айыу балаһының инәһенә ҡул һонған браконьерҙы экологтар эҙләй.