Ҡасан йылытыр?

Һалҡын май, ямғырлы июндән һуң кешеләр түҙемһеҙләнеп йылы, матур көндәр көтә. Синоптиктар быйылғы майҙы һуңғы йылдарҙағы иң һыуыҡ ай булараҡ билдәләне, ә июндә ямғырҙар нормаға ҡарата 144 процент яуған.

Әммә июль дә һалҡынса, ямғырлы көндәр менән башланып тора. Шулай ҙа синоптиктар аҙна аҙағына йәйгесә йылы көндәр – һауа температураһының +28...+30 градусҡаса йылынасағын вәғәҙә итә. Шаршамбыға тиклем яуым-төшөм һаҡлана, һауа температураһы көндөҙ +20...+23 араһында тирбәлә. Кесаҙнанан яҡшы ғына йылытып, шәмбе-йәкшәмбелә +29...+30 градус эҫелек көтөлә, әммә ҡайһы бер төбәктәрҙә урыны менән ҡыҫҡа ваҡытлы ямғырҙар яуып үтәсәк.

Дөйөм алғанда, июль дә артыҡ аяҙ, эҫе булмаясаҡ, сыуаҡ көндәр менән яуым-төшөмлөләренең нисбәте яҡынса бер тигеҙ буласаҡ, тип күҙаллай һауа торошо белгестәре.

Фото: artmaki.su