Шишмә районында Дим йылғаһының төбөн таҙарта башлағандар. Был эш «Экология» милли проекты буйынса «Уникаль һыу объекттарын һаҡлау» федераль проекты сиктәрендә атҡарыла. Йәмғеһе был эшкә 105 миллион һум аҡса бүленгән.
- Әлеге мәлдә атҡарыласаҡ эштәрҙең картаһы эшләнде, таҙартылған учатсканың оҙонлоғо 35 километр тәшкил итә. Яҡынса 145 мең кубометр сүп-сар, шул иҫәптән бүрәнә, шиндар, лайла сығарыласаҡ тип көтөлә. Йылғаның санитар хәле яҡшырасаҡ, йәмғеһе 5700 кешенең йәшәү сифаты яҡшырасаҡ тип баһалайбыҙ, - ти Башҡортостандың тәбиғәттән файҙаланыу һәм экология министрының беренсе урынбаҫары Илдар Ғарифуллин.
Фото Башҡортостандың тәбиғәттән файҙаланыу һәм экология министрлығынан алынды.