“Йәшел Башҡортостан” да дәррәү ҡатнаштыҡ

Республика Башлығы Радий Хәбиров социаль селтәрҙәргә төбәктә уҙғарылған “Йәшел Башҡортостан” акцияһы тураһында яҙма ҡуйҙы.

"Башҡортостандың 210 мең кешеһе йыл һайын уҙғарылып килгән “Йәшел Башҡортостан” акцияһында ҡатнашты - мәктәп уҡыусылары, студенттар, ирекмәндәр, хеҙмәт коллективтары. Улар арҡаһында быйыл көҙ барлыҡ республика буйынса 76 меңдән ашыу ағас һәм ҡыуаҡтар ултыртылды, уларҙың 18 мең тирәһе – эре үҫентеләр. Беҙ тәүҙән үк ҙур ағастар ултыртырға ҡарар иткәйнек, сөнки улар тиҙерәк ерегеп китә.

Ҡала һәм райондарҙа 85 аллея барлыҡҡа килде. Уларҙың күптәре төрлө осорҙағы геройҙарыбыҙға арналған. Был – быуындар хәтере, вариҫтарыбыҙға батырлыҡ рухын тапшырыу ысулы.  

Хәҙер үҫентеләрҙе тәрбиәләү һәм һаҡлау мөһим. Бергәләп Башҡортостанды матурыраҡ, күркәмерәк итәбеҙ.

Барығыҙға ла рәхмәт!" - тип яҙҙы Радий Хәбиров.

Фото: "Башинформ".