Әллә яҙ иртә килергә уйлаймы?

Февраль йылы ғына көндәре, епшек ҡары, ҡыйыҡтан тамған тамсылары менән башланды. Республика биләмәһендә көндөҙгө һауа температураһы башлыса 0 градус тирәһе тәшкил итә. Үҙәк райондарҙа, айырыуса Өфөлә көн үҙәгендә +1...+3 градусҡа ла етеп ҡуя. Әммә йылы көндәр оҙаҡ тормаясаҡ: аҙна аҙағына ҡарай һыуыта. 

Йомала республика биләмәһендә -10...-13 градусҡа тиң һалҡынса көндәр урынлашасаҡ, шәмбелә урыны менән -16-ға ла етәсәк. 

Шулай, ҡыш ҡышлығын итә, әммә яҙға ла күп ҡалманы. Көндән-көн сағыуыраҡ балҡыған ҡояш та, көндәрҙең оҙонайыуы ла күңелгә йылылыҡ биргәндәй. 
Хәйерле матур көн һеҙгә, дуҫтар! Күңелегеҙ көр, донъяғыҙ имен булһын! 

Фото: krasivoe-foto.ru