Асылыкүлде үҙ иткән

“Асылыкүл” тәбиғәт паркы хеҙмәткәрҙәре Рәсәйҙең бер нисә төбәгендә, шул иҫәптән Башҡортостанда ла, Ҡыҙыл китапҡа индерелгән махаон күбәләген фотоға төшөрөп алған.

Белгестәр билдәләүенсә, әлеге күбәләктең генә 37 төрө бар. Ҡанаттарының оҙонлоғо - 6 – 10 сантиметр. Һары төҫтә, төртөктәре күкһел. Майҙан алып сентябргәсә әүҙем тормош алып баралар, тыуған ерҙәрендә үк ҡышлайҙар. Һыуһындарын иртәнге ысыҡ менән ҡандыралар. Көн дауамында бер тамсы сәскә һуты эсәләр!

Ә һеҙ тәбиғәттә махаон менән осрашҡанығыҙ бармы? Ниндәй күбәләктәрҙе фотоға төшөрөп өлгөрҙөгөҙ?

Фотолар "Асылыкүл" тәбиғәт паркынан алынды.