“Тағараҡ”ҡа ихтыяж бар

Мәләүез районының белем биреү учреждениеларында тәбиәғәтте һаҡлау акцияһы ҙур уңыш менән үтте, тип яҙа “Путь Октября” гәзите. Ҡышҡы һыуыҡтарҙа ҡоштарға ныҡ ауырға тура килә. Тирә-яҡ мөхиттә тигеҙлекте тәьмин итеүсе, экология системаһының мөһим өлөшөн тәшкил иткән ҡанатлы дуҫтарыбыҙға ярҙам ҡулын һуҙыусылар етерлек.  Уларҙың яҙмышына битараф булмағандар тағараҡтар элә, аҙыҡтар һала.

 Районда үткәрелгән “Тағараҡ” акцияһы уҡыусыларҙы, балалар баҡсаһында тәрбиәләнеүселәрҙе, уҡытыусыларҙы һәм ата-әсәләрҙе йәлеп итте.Ҡошсоҡтарҙың күңелле сырҡылдашыуҙарына ҡарап та, бындай акцияларҙың уларҙың күңеленә хуш килеүен, был  изге эшкә ихтыяж булыуын аңларға мөмкин.  Шулай ҙа бындай акцияларҙы үткәреүҙә иң мөһиме– балалар күңелендә бәләкәйҙән тәбиғәткә һаҡсыл мөнәсәбәт тәрбиәләү

 Ҡаланың  “Лесная сказка”тип аталған 22-се балалар баҡсаһында бына ниндәй матурлыҡ тыуҙырғандар!

Фото: “Путь Октября”.