Боҙ китә башланы

Көндәрҙең йылы тороуы һөҙөмтәһендә йылғаларҙа боҙ китә башланы.

Тәүге ошондай осраҡтарҙың береһе Ғафури районында теркәлде - Ташаҫты кешеләре ауыл эргәһенән аҡҡан Еҙем йылғаһындағы боҙ китеүе тураһында видеояҙманы социаль селтәргә һалды.

Әлбиттә, боҙ ҡуҙғалыуын күҙәтеүе күңелле һәм мауыҡтығыс, әммә хәүефһеҙлек тураһында онотмайыҡ. Айырыуса бала-сағаның йылға-күлдәргә йөрөүенә юл ҡуймағыҙ.

Фото: скриншот.