Рәхәтләнеп һыу инер көндәр килә

Быйылғы йәй ямғырлы, йонсоу көндәре менән иҫтә ҡалыр инде. Шулай ҙа был аҙнала синоптиктар ике-өс аяҙ, йылы көн вәғәҙә итә.

Алдағы өс көндә республикала аяҙлы-болотло, бер аҙ ямғырлы һауа торошо һаҡлана. Көндөҙгө һауа температураһы +26...29 градус йылы, төндә +15-16 градус.

Кесаҙнанан аяҙ, яуым-төшөмһөҙ көндәр вәғәҙәләйҙәр. Көндөҙ +30...32 градус эҫе, төндә +17...19 градус йылы буласаҡ. Артабан инде синоптиктар һауа торошоноң рәтләнеүен, ҡороға тартыуын күҙаллай.

Республиканың төньяҡ-көнсығыш һәм төньяҡ-көнбайыш төбәктәрендә аҙна аҙағына тиклем ямғырлы көндәр һаҡланып, шәмбенән – 25 июлдән генә аяҙытасаҡ.

Айрат Нурмөхәмәтов фотоһы.