+20 °С
Болотло
Эшҡыуар
1 Март 2021, 16:00
Йүнселлеккә ярҙам итеү маҡсатында
Әле Башҡортостандан һигеҙ предприятие ошо реестрға индерелгән.
Башҡортостандағы Бәләкәй һәм урта эшҡыуарлыҡты үҫтереү агентлығының Төбәк инжиниринг үҙәге эшҡыуарлыҡты үҫтереү маҡсатында өҫтөнлөклө продукция реестрын төҙөү буйынса даими эш алып бара.
Был йүнселлекте үҫтереү программаһы Рәсәй Президенты Владимир Путиндың май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғыстарына булышлыҡ итеү” милли проекты нигеҙендә тормошҡа ашырыла.
Әле Башҡортостан Республикаһынан һигеҙ предприятие ошо реестрға индерелгән. Улар – “Энергоинжиниринг”, “Туймазы ҡала электр селтәрҙәре”, “Проводоканал”, “Яңы Салауат ТЭЦ-ы”, “Учалы электр селтәрҙәре”, Балтас “Сельэнерго”, “АСТ” йәмғиәттәре һәм “Дүртөйлө электр һәм йылылыҡ селтәрҙәре” муниципаль унитар предприятиеһы. Программала ҡатнашҡан бәләкәй һәм урта эшҡыуарлыҡ субъекттары тауар һатып алғанда, эштәр башҡарғанда, хеҙмәт күрһәткәндә ошо предприятиелар менән хеҙмәттәшлек итә ала.
Мәғлүм булыуынса, программа эшҡыуарҙарға финанс, мөлкәт, мәғлүмәт, маркетинг йәһәтенән ярҙам күрһәтеүгә йүнәлтелә.
Фото: vk.com
